2020-2021 O’QUV YILINING YANGI DARSLIKLARINI ELEKTRON SHAKLDA YUKLAB
OLING!
Pandemiya
sharoitida yangi o’quv yiliga mo’ljallangan umumta’lim maktablarining ayrim
darsliklarini chop etish va tarqatish belgilangan muddatidan kechikmoqda. Bu
asosan yangidan yaratilayotgan “Tarbiya”, “Informatika”, “Texnologiya” va
“Matematika” fanlari darsliklari, shuningdek darsliklarning qardosh tillarga
tarjimalari hissasiga toʻgʻri keladi.
Sifatli taʼlim
jarayonini tashkil etish maqsadida, Xalq taʼlimi vazirligi huzuridagi
Respublika ta’lim markazi vaziyatdan kelib chiqib, mazkur darsliklarning
elektron shakllarini yuklab olish imkoniyatini yaratdi.
Tegishli
darsliklarni chop etish va maktablarga yetkazish ishlarini joriy yilning oktabr
oyiga qadar yakunlanishi belgilangan.
Tarbiya (1-sinf)
Tarbiya (2-sinf)
Tarbiya (3-sinf)
Tarbiya (4-sinf)
Tarbiya (8-sinf)
Informatika (8-sinf)
Informatika (5-sinf)
Texnologiya (4-sinf)
Ona tili (10-sinf)
Ona tili (11-sinf)
Biologiya (5-sinf)
География (5-класс)
Geografiya (5-sinf)
Букварь (1-класс)
Qoraqalpoq tilidagi darsliklar
Qozoq tilidagi darsliklar
Tojik tilidagi darsliklar
Turkman tilidagi darsliklar
Rus tilidagi
darsliklar
Xalq taʼlimi vaziri Alisher
Qodirovning fikriga munosabat bildirdi
Xalq taʼlimi vaziri Sherzod Shermatov “Milliy tiklanish“
demokratik partiyasi Markaziy kengashi raisi Alisher Qodirovning ”Saviyasiz
oʻqituvchilarga koʻp oylik toʻlayapmiz» deb aytgan fikriga biroz toʻxtalib
oʻtdi.
Bu haqda Sh.Shermatov oʻzining rasmiy telegram sahifasida
munosabat bildirgan:
“Bugungi selektorda ham Prezidentimiz taʼlim sifatini
yaxshilash uchun asosiy urgʻuni oʻqituvchilarni oylik maoshini oshirish
zarurligiga qaratganlari, kelgusi yillardagi Davlat Byudjetini tasdiqlovchi
baʼzi deputatlarimizni ham toʻgʻri xulosa qilishga undaydi deb umid qilamiz…”
— deya oʻz rasmiy telegram sahifasida xabar qoldirdi Sherzod Shermatov.
Oʻqituvchilar Vazir himoyasida
:books: «METODIK YORDAM» kanaliga obuna boʻling
БЕШ ТАШАББУС
ДЕГАНДА БИЗ НИМАНИ ТУШУНЯПМИЗ?
Пост сарлавҳасини ўқибоқ нима демоқчи бўляпсиз ўзи деб ҳайрон
бўлаётган бўлишингиз мумкин. Чунки, ҳозирги кунда Президент томонидан 2019
йилдан буён илгари сурилаётган беш ташаббусни ўқувчилар ҳам ўқитувчилар ҳам ёд
олиб бўлган. Лекин афсуски, унинг асил моҳиятини ҳали кўпчилик тўлиқ тушуниб
етмаган бўлса керак. Нега бундай деётганимни ҳозир тушунтириб бераман.
Бешта муҳим ташаббус деганда жуда кўпчилик мактабнинг бир
бурчагига 5 та йўналиш бўйича ташкиллаб қўйилган кўргазмаларни тушунади. Керак
бўлса, ташаббус доирасида вилоят миқёсида ўтказиладиган семинарларга борсангиз
ҳам фақат кўргазмалар намойишидан нарига ўтилмайди.
Бир нарсани тўғри тушуниш керак: бу беш ҳил йўналиш бўйича
биз ҳозир қилаётган ишларимиз Президент айтишидан олдин ҳам мактабларда мавжуд
бўлган. Мусиқа, рассомлик, адабиёт тўгараклари ҳам, спорт мусабоқалари ҳам,
компьютер технологияларига асаосланган машғулотлар ҳам, китобхонлик ва
хотин-қизлар йўналишига оид тадбирларнинг барчаси илгари ҳам мактабларда
ўтказиб келинган ва бундан кейин ҳам тўхтаб қолмайди.
Беш ташаббус деганда, аввалло мактабдаги мусиқа хонасига
чолғу асбоблари, спорт залларини зарур жихозлар билан тўлиқ таъминлаш,
мактабларга замонавий компьютерларни, кутубхоналарга эса бадиий, тарихий,
илмий, оммабоп мавзулардаги китоблар етказиб бериб, шундан сўнгина болаларни
унга жалб қилиш назарда тутилишига кўпроқ урғу беришимиз керак.
Ўшанда Президент ҳам беш ташаббус доирасида ҳар бир ҳудудга 1
миллион донадан бадиий, тарихий, илмий, оммабоп мавзулардаги китоблар етказиб
бериш, ахборот-кутубхона марказларини реконструкция қилиш ва капитал таъмирлаш,
тадбиркорлар томонидан халқ кутубхоналари очиш, туман ва шаҳарларда рақамли
технологиялар ўқув марказлари ташкил этиш ва уларда бепул таълим бериш, 19
мингга яқин ижтимоий соҳа объектини юқори тезликдаги интернет тармоғига улаш,
спорт иншоотлари қувватини оширишга қаратилган дастур лойиҳасида яқин 2 йилда
ҳар бир туманда енгил конструкцияли, сендвич панелли кичик спорт заллари қуриш
вазифаларини белгилаб берганди.
Бу берилган топшириқлар қандай кўринишда, қанчалик виждонан
амалга оширилди билмадимку, лекин биз мана шу беш ташаббусни ҳам саноқсиз
ҳисоботлар, мураккаб жадваллар, сохта кўргазмаларга айлантириб яна ўзимизга
мослаштириб олдик. Мактабга келган текширувчилар ҳам беш ташаббус бўйича
фақатгина жим-жимадор суратлар жойланган ҳисоботларнигина кўздан кечиришга
ўрганиб қолди.
:grey_exclamation:Аслида биз беш
ташаббус доирасида қуйидаги ишларни амалга оширсак кўпроқ натижага эришишимиз
мумкин:
Биринчи ташаббус доирасида мактабларини мусиқа асбоблари ва рассомларга
керакли бўлган ускуналар билан таъминлаш ва мактаблардаги фаоллар залини янгича
кўринишда жихозлаб бериш;
Иккинчи
ташаббус доирасида мактаб спорт залларини реконструкция ва капитал
таъмирлаш, спрот зали мавжуд бўлмаган мактабларга заллар қўриб бериш, керакли
спорт жихозлари билан тўлиқ таъминлаш;
Учинчи
ташаббус доирасида фақат мактабларда очилган информатика фани
тўгаракларига ёпишиб олмасдан балки, туман ва шаҳарларда рақамли технологиялар
ўқув марказлари ташкил этиш ва уларда бепул таълим беришни тезроқ йўлга қўйиш;
Тўртинчи
ташаббус доирасида энг аввало мактабларда фаолият юритадиган
кутубхоначи штат бирлигини кўпайтириш, уларнинг ойлигини ҳеч бўлмаганда
мутахасис ўқитувчилар ойлиги билан тенглаштириш, мактаб кутубхоналарни
замонавий тарзда қайта капитал таъмирлаш ва кутубхоналарни бадиий, тарихий,
илмий, оммабоп мавзулардаги китоблар билан тўлиқ таъминлаш;
Бешинчи
ташаббус доирасида мактаблар яқинида тикув-трикотаж маҳсулотлари
ишлаб чиқаришни ташкил этиш ва юқори синф ўқувчи-қизлар бандлигини таъминлаш
чораларини кўриш.
Юқорида санаб ўтилган ишларни амалга ошириш биргина мактаб
директорининг қўлидан келмаслигини ҳаммамиз жуда яхши биламиз. Лекин, айрим
мутасаддилар ташаббус доирасида мана бу ишларни амалга оширдик деб оммага
кўрсатиш учун фақат мактаб маъмуриятининг соясига беркинишдан уёғига ўтмаяпти.